تعالي اقلك لو عندك بواقي أكل تعملي بيها أيه ?????
لو باقي منك مثلا طبق رز صغير كنتي عملاه للسمك وفضل منك شويه
أوعي ترميه هتجيبي عليه بطاطسايه مسلوقه وأي حتة سمكة فايضة...تعالي اقلك لو عندك بواقي أكل تعملي بيها أيه ?????
لو باقي منك مثلا طبق رز صغير كنتي عملاه للسمك وفضل منك شويه
أوعي ترميه هتجيبي عليه بطاطسايه مسلوقه وأي حتة سمكة فايضة منهم وتطحنيهم سوا في الكبه وعليهم بيضه وتطلعلك كفتة سمك محترمه .. تنفع للعشا
طب فاض منك ..مثلا شوية مكرونه مسلوقه مش بالصلصة .. تعملي بيهم ايه ؟
هتخلطيهم ف حله مع شوية مايه صغيرين وتكملي سلقهم لحد ما يستوووا خالص خالص ويبقوا ناعمين وتحطي عليهم كوباية لبن وفانيليا وسكر ونشا علي قد طلبك وتزوقيها في الفرن هتطلع صينية مكرونه باللبن محترمه ( عزيزية)
طب فاض منك حتت لحمه .. تعملي ايه بقا بيها
هتقطعيها وتقطعي معاها بصل وفلفل وتوم وطماطم ومعلقة صويا صوص وعلي النار وتطلع احسن شاورما نفس الكلام مع الفراخ
طب جالك جمبري محترم م الكبير ونضفتيه ترمي روسه ليه لما ممكن تطلعي منها احلا شوربة سي فود للرز او للشرب مع السمك .. هتقطعي بصله وتنزلي بالتومه عليها وبعدين بالرووس دي لحد ما تطلع شوربتها وتشيليها عندك لاي اكلة سمك
طب فاض منك شوية بطاطس في صينية البطاطس باللحمه الي كنتي عملاها أكلوا اللحمه وشوية من البطاطس مثلا وسابولك الباقي ترميها ؟
لا طبعا
تقلي بتنجان وفلفل وتحطيهم عليها وتظبطيها علشان تحطيها في الفرن مع شوية لحمه مفرومه وتطلعلك اجدع صينية مسقعه
طب عملتي مكرونة بالصلصة وفاض منك اوعي ترميها تنفع اووي للمكرونة بالبشاميل او حطيها في طاجن وعلي الوش شوية موتزريلا وزيتون وفلفل وبقت بيتزا مكرونة
عندك بواقي عيش كتير من السندويتشات اوعي ترميها اديله تحميصة واطحنيه في الكبة مع معلقتين نشا وكيس بيكنج بودر وتوم وبصل بودر وبهاراتك الي تحبيها وبقا عندك احلي فيجتار في البيت من صنع ايدك اي نووع عيش ينفع
وبالهنا والشفا
وصلتي لحد هنا اووعي تبقي بخيلة ومش تعلقي علي البوست عشان يترفع و تفيدي غيرك هو انا كل مرة افكرك ??
لو تهمك الوصفات البيتى اللذيذة عندنا
عرض المزيد