من مسؤال عن تراخيص هذه الملاهي واين موافقه الحمايه المدنيه واين البيئه والصحه
طفلة عندها 12 سنة راحت الملاهي تلعب و تتبسط شوية وهي دلوقتي تحت التراب بسبب...من مسؤال عن تراخيص هذه الملاهي واين موافقه الحمايه المدنيه واين البيئه والصحه
طفلة عندها 12 سنة راحت الملاهي تلعب و تتبسط شوية وهي دلوقتي تحت التراب بسبب اهمال الملاهي..

الموضوع بدأ ان (دنيا سعيد) كانت رايحة تتفسح في الملاهي و قدرها وقدرنا انها تروح (ملاهي اسمها فرحة) مالك الملاهي مشهور بأسم (علي الاعرج) والملاهي في منطقة الراس السوداء ..

دنيا بنت خالي الصغيرة الجميلة راحت تركب (لعبة الاعصار) مع الاطفال الي من سنها و اصغر منها و ادارة الملاهي (قتالين القتلاء) مشغليين لعبة بكراسي متهالكة و من غير نظام امان كويس،،

دنيا لما ركبت ربطوا رجلها بحبل في الكرسي عشان الكرسي الي حظها جه عليه مش بيقفل للاخر ? .. طبعا محدش من الاهالي بياخد باله نهائي من الكلام دة لان في شخص مسؤول عن اللعبة من الملاهي بيعدي يتاكد من ان الكراسي كلها مقفولة قبل ما يشغل اللعبة.. ودة الي كلنا عارفينه يعني،،

اللعبة اشتغلت ب دنيا و طبعا مع لف اللعبة في الهواء دنيا وقعت و تخيل انت يعني اية تقع طفلة تقع من مسافة 10 متر عشان اللعبة تخبطها كمان في دماغها و هي تحت و تموت دنيا و نجري بيها ع المستشفي نحاول نلحقها لكن كان كل شئ انتهي ..
عرفنا بعد كدة من كل الناس انهم بعد ما شالوا دنيا (جثتها) كملوا لعب عادي ولا كان في اي حاجة حصلت..

اول ما جالي الخبر جريت ع المستشفي انا و اخوها
لقيت الناس الي في الصور دي والي بيقولوا انهم صحاب (ملاهي فرحة) .. حاولو يضحكوا علينا بكلام ان البت سلية و كله تمام و متبلغوش وحنعوضكوا و حندفع فلوس ،،
بعد ما المستشفي اكدت ان الحالة متوفية فعلا
الشخص الي انا بطارده بالكاميرا في الفيديو كان عاوز يخلع بس انا صورته وصورت 2 تانيين معاه قبل ما يهربوا
و رفعنا قضية علي الملاهي الي قتلت دنيا بس الناس دي عاوزة تهرب من المسؤلية و عاوزين يجيبوا اي حد يشيل القضية مكانهم ..
في صورة موجودة لدنيا سعيد وهي مربوطة من رجلها بحبل تخيلوا حد يتثبت في لعبة زي دي بحبل عشان الكرسي بايظ و مش بيقفل والملاهي عاوزة تشغل اللعبة علي اقصي حمولة لها فبدل ما يعملوا صيانة لا يستخدموا حبل و محدش هياخد باله
ساعدوني اجيب حق دنيا
#ملاهي_فرحة_مجرمين
#حق_دنيا_سعيد
منقول عرض المزيد