قشرتى البطاطس وقطعتيها ؟
خلاص رايحة على طاسة الزيت ؟ .. طب إستنى

?إعملى الخطوتين دول الأول...

❤هاتى حلة وحطى البطاطس فيها ورشى عليها معلقة ملح وقلبيها كويس لغاية ما الملح يدوب...قشرتى البطاطس وقطعتيها ؟
خلاص رايحة على طاسة الزيت ؟ .. طب إستنى

?إعملى الخطوتين دول الأول ...

❤هاتى حلة وحطى البطاطس فيها ورشى عليها معلقة ملح وقلبيها كويس لغاية ما الملح يدوب معاها وسيبيها 10 دقايق

?بعدين انزلى عليها بمية مغلية واديها غلوة على النار حوالى 7 دقايق لو مقطعاها رفيع و 10 دقايق لو مقطعاها سميكه ( فى جميع الأحوال نتابعها بشوكة ونراعى انها ماتتهريش)

خدت الغلوة خلاص خوديها تحت الحنفية وافتحى عليها المية الساقعه عشان نوقف عملية السوى فى قلب البطاطس

بردت خلاص كده تمام حطيها فى المصفى بقى وولعى النار على طاسة الزيت بتاعتك ولما يسخن والبطاطس تجف انزلى بيها وحمريها عادى

طب ايه لازمة الشحططه دى كلها !!
ده بقى اللى هتعرفوه لما تشوفوا شكلها وتدوقوا طعمها
وبالهنا والشفا عرض المزيد