الفيبروميالجيا.. اللص الخفي
#مرض_العصر
السيدات الجميلات اللي كتير بتشكي إنها على طول تعبانة، وبتعاني من آلام منتشرة في جسمها كله، رغم إن تحاليلها كلها سليمة، وما بتبقاش عارفة عندها أيه!!!
ركزي في كل كلمه في البوست ده لعله...الفيبروميالجيا.. اللص الخفي
#مرض_العصر
السيدات الجميلات اللي كتير بتشكي إنها على طول تعبانة، وبتعاني من آلام منتشرة في جسمها كله، رغم إن تحاليلها كلها سليمة، وما بتبقاش عارفة عندها أيه!!!
ركزي في كل كلمه في البوست ده لعله يرشد الكثير منكن عن سبب آلامهن لأن انا واحدة من الناس اللي كنت بعاني سنين لحد مااتشخصت صح. ?
الفيبروميالجيا مرض نفسي عضوي.. يعني أيه بقي?؟؟؟
يعني حضرتك.. هو مرض يُصيب الستات أكتر من الرجالة ده مبدئياً.

تاني حاجه بيتسلل للشخصية الحساسة بزيادة أو الكتومة في زعلها أو اللي أتعرضت لصدمه نفسية كبيرة في حياتها ..وإلخ ، وبيزيد الألم مع سوء الحاله النفسية..
وهو عبارة عن اضطراب في الناقلات العصبية المسئولة عن إحساسك بالألم.. بالبلدي كده جسمك بيحس بالألم بشكل مبالغ فيه عن الشخص العادي?.
هو مرض مزمن (يعني مش بيخف ولازم تتعاملي معاه طول حياتك ذي مرض السكر كده).
طيب هل أي وجع بتحسي بيه تتفزلكي وتقولي ده فيبروميالجيا..Absolutly
لازم تتوافر الشروط التالية:
• ألم في العضلات مزمن بيزيد أحياناً ويقل أحياناً، منتشر في أجزاء متفرقة في الجسم، وخاصة الTendr points الموضحة في الصورة تحت?.
• ألم متساوي في جانبي الجسم.
• ألم مزمن لمدة لا تقل عن 6 شهور.
• مع بقي إنك بتعملي كل تحاليل المناعة بتلاقيها سليمة وفله.
أسبابة:
العلم لم يتوصل للسبب الحقيقي ليه لغاية وقتنا هذا والأرجح إنه مرض وراثي.
أعراضه:
• ألم مزمن بعضلات الجسم وخاصة عند اللمس، بيخليكي مش قادرة تعملي الأنشطة اليومية البسيطة.
• الألم بيزيد مع الراحة وأثناء النوم.
• بتصحي من النوم الصبح تعبانة رغم إنك المفروض نمتي عشان ترتاحي، وأول ما تبدئي تقومي من السرير وتتحركي الألم بيقل.
• احياناً تقومي من النوم تحسي إن مفاصلك متيبسة وتفك أول ما تتحركي.
• ألم في المفاصل، وخاصة مفصل الفك.
• اضطرابات في النوم، ما بتعرفيش تنامي عدد ساعات طويلة متواصلة، عادة بتصحي كل شوية من الألم.
• صداااااااااع.
• ذاكرة ضايعة?.
• تركيز في الحماده?.
• انتباه...مافيييييش?.
• معاه بقي شوية اكتئاب وتوتر وقلق، نتيجة يا قلب مامتك? إنك مش عارفه تمارسي حياتك بشكل طبيعي.
• غالباً مريضة الفيبرو بتعااااااني من القولون العصبي وضغط بالمثانة (عندك شعور زائد بالـ بي بي?).
مضاعفات المرض:
ما يميزه إنه لا يؤثر بالسلب على أعضاء الجسم.. يعني مش ذي الأمراض المناعية.
مضاعفته تتمثل في
• ألم بيزيد مع مرور الوقت.
• زيادة اضطرابات النوم.
• ممكن تدخلي في مرحلة اكتئاب.
عشان كده لازم تساعدي نفسك.. وتغيري نمط حياتك عشان تقهري المرض ? وتقدري تتعايشي معاه.
علاجه:
بيعتمد على أدوية علاج الأكتئاب والصرع ذي البريجابلين (ليريكا)، والجابابنتين(الجابتن)، والدولوكستين (سيمباتكس وسيمبالتا)، مش عشان أنتي عندك صرع لا سمح الله، بس عشان الأدوية دى بتهدي من إحساس العصب بالألم عشان يا قلبي تقدري تكملي حياتك?.
أساااااعد نفسي أزاي وأقلل من شعوري بالألم؟؟؟؟؟؟
غيري الـlife style بتاعك..
أزااااي؟؟؟ طبعا قليل اللي بيقدر يلتزم بس في ناس قادرة تلتزم بالآتي???
• العبي رياضة وخاصة المشي.
• السباحة لو عندك مشاكل في المفاصل.
• تمارين المقاومة، هتقوي كتلتك العضلية وتقلل الشعور بالالم.
• تمارين التنفس يومياً.
• يوغا بقي وانطلقي.
• اتفسحي وأخرجي?.
• ابعدي عن العلاقات المؤذية..أصلها مش ناقصة.
• ابعدي عن الضغوط العصبية.
جه دووووووور التغذية السليمة...........
حقاً لا يوجد نظام غذائي لمريض الفيبرو، ولكن اتباع نظام غذائي صحي، بيقلل التهابات الجسم و بيساعد على تخفيف الألم.
• أبعدي... عرض المزيد